ಒಂದು ಸಂಜೆ...

ಇನ್ನೊಂದು ಬೇಸರದ ಸಂಜೆ
ಪಾರ್ಕಿನ ಮೂಲೆಯಲ್ಲಿರುವ
ಕಲ್ಲು ಹಾಸಿನ ಮೇಲೆ ಅದೇ
ಒಬ್ಬಂಟಿ ಮುದುಕ...
ನಿನ್ನೆ ಬಂದ ಮಳೆಗೆ
ಇಂದೂ ಕ್ಲೀನ್ ಆಗದ
ಉದುರಿದ ಎಲೆಗಳು...
ಗೇಟಿನ ಪಕ್ಕದಲ್ಲಿ
ನಿಂತು ಸಿಗರೇಟು ಸುಡುತ್ತ
ತನ್ನ ಕೈ ಕೊಟ್ಟ
ಗೆಳತಿಯನ್ನ ನೆನೆಸಿಕೊಳ್ಳುವ
ಮಧ್ಯವಯಸ್ಕ...
ಬಂದೆ ಬರ್ತೀನಿ ಅಂತಾ
ಹೇಳಿ ಇನ್ನು ಬಾರದ ಹುಡುಗಿಗೆ
ಕಾಯುತಿರುವ
ಮುಗ್ದ ಪ್ರೇಮಿ...
ಬೆಳಿಗ್ಗೆ ಇಂದಲೂ
ಆಗದ ವ್ಯಾಪಾರಕ್ಕೆ
ಚಿಂತೆಯ ಮೋಡ ಮುಸುಕಿದ
ಮುಖದ ಕಳ್ಳೆಕಾಯಿ ಮಾರುವ
ಮುದುಕಿ...
ಇವರೆಲ್ಲರ ಧಾವಂತದ
ಮುಖದಲ್ಲೂ ನಿನ್ನನ್ನೇ
ಹುಡುಕುವ ಹುಚ್ಚ
ನಾನು...
ನನ್ನ ಎಲ್ಲ ನಿರೀಕ್ಷೆಯನ್ನು
ಸುಳ್ಳು ಮಾಡುವ
ಹಠ ಹಿಡಿದ
ನೀನು...