ಶುಕ್ರವಾರ, ಏಪ್ರಿಲ್ 16, 2010

ಮಳೆ...


ಸೋನೆ ಮಳೆ, ಜಡಿಮಳೆ,
ತುಂತುರು ಮಳೆ,
ಸಿಡಿಲ ಸಿಡಿತಕ್ಕೆ ಗಾಬರಿ ಬಿದ್ದು,
ಮನುಷ್ಯನ ಎದೆಗೆ ಅಪ್ಪಿಕೊಳ್ಳುವ ಪುಕ್ಕಲು ಮಳೆ,
ರಾತ್ರಿ ಶುರುವಾಗುವ,
ಮುಂಜಾನೆ ಹೊತ್ತಿಗೆ ನಿಂತು ಹೋಗುವ ಗುಪ್ತ ಮಳೆ,
ಎದೆಯಲ್ಲಿ ಸಾವಿರ ಕಾಮನಬಿಲ್ಲು ಮೂಡಿಸುವ ಸುಪ್ತ ಮಳೆ,
ಸಾವಿರ ನೆನಪುಗಳಿಗೆ ಮೆರವಣಿಗೆ ಹೊರಡಿಸುವ ಸಂಚಿತ ಮಳೆ,
ವಿರಹದುರಿಗೆ ತುಪ್ಪ ಸುರಿಯುವ ಆಷಾಡದ ರಾಶಿ ಮಳೆ,
ಸಮುದ್ರದಾಳದ ಕಪ್ಪೆಚಿಪ್ಪು ಬಾಯಿ ತೆರೆದಾಗಲೆಲ್ಲ ತಪ್ಪಿಸಿಕೊಳ್ಳುವ ಜಾಣ ಮಳೆ,
ಮಣ್ಣಿನ ವಾಸನೆ ಹೊತ್ತು ತರುವ ಮೊದಲ ಮಳೆ,
ಕವಿ ಭಾವದ ಬಾಗಿಲು ತಟ್ಟುವ ಸಂಜೆ ಐದರ ಮಳೆ,
ಆಕಾಶದಿಂದ ಜಾರಿದ ಪ್ರೀತಿಯ ಮಳೆ,
ಬೆಟ್ಟದ ಮೇಲೆ ಬಿಡದೆ ಸುರಿಯುವ ದೊಡ್ಡ ಮಳೆ,
ಬೇಂದ್ರೆ ಅಜ್ಜನ ಮಜ್ಜನ ಮಾಡಿದ ಉದ್ದುದ್ದ ಶುದ್ಧ ಮಳೆ,
ನಿಮ್ಮ ಮನದಲ್ಲೂ ಬಿದ್ದಿತ್ತೆ ಆಸೆಯ ಮಳೆ?

1 ಕಾಮೆಂಟ್‌: